Tostadas de viño

A Noiteboa pasada continuamos na casa coa tradición de facer as tostadas de viño como postre da cea. ¡Quedaron pra lambe-lo bico!
Ese mesmo día chamou miña tia Mercedes desde Barcelona e preguntoulle a miña nai como as fai, porque di que a ela non lle acaban de quedar ben.
Así que pensei que seria boa idea colgar a receita pra todos os entrimeños que andan polo mundo, por se non vos acordades como se fan...

Ingredientes:
Viño tinto
Azucar
Pan
Aceite de oliva

Primeiro mestúrase o viño co azucar. Aconséllovos escoller un viño o máis escuro posible.
Partimos o pan en rodajas. É mellor usar pan do dia anterior pra que non se esfarele.
Mollamos o pan no viño e dámoslle unhas voltas nunha sartén untada con aceite de oliva.
Antes de servir botámoslle un pouco de azucar as tostadas por enriba.
Toque de miña nai: espolvorea as tostadas en contas de só con azucar con azucar mesturado con canela.
¡Mirai que resultado mais espectacular pra algo tan fácil e barato!

Tostadas de viño tinto

¡Feliz Ano Novo a todos!