Entrimo. Onde é?

Aquí está o novo Onde é? A ver, a ver quen acerta...

Filloas

.

Amigos, xa está a porta o frío.
Acórdome de cando era eu pequena que pola matanza do porco facíanse as filloas de sangre.
Ahora aquí na cidade como sangre non teño deixovos a receita das filloas de ovo que fixen o outro día.
Estas é a versión simple pero podedeslle por tamén mel, chocolate, mermelada...

Eu como non teño touciño uso manteiga de porco

Ingredientes (4 ou 5 persoas):
6 culleradas sopeiras de fariña
6 culleradas sopeiras de azucre
6 ovos
1 vaso de auga
1 vaso de leite
1 chisco de sal
1 anaco de touciño  

Primeiro faemos o amoado. Espolvoreamos a fariña co azucar e co sal e engadímoslle os ovos previamente batidos. Despois pouco a pouco imos incorporando a auga e o leite mesturados. Batemos todo xunto.

A continuación quentamos a filloeira (unha sartén) e untámola co anaco de touciño e imos vertendo nela pequenas cantidades de amoado repartíndoas ben por toda a superfície.




Entre filloa e filloa hai que volver untar con touciño.
Cando a filloa empece a dorarse polas beiras dámoslle a volta.
Ímolas colocando nun prato unha encima doutra.




¡E listas pra servir! Sírvense con azucre pra que cada un lle poña o seu gusto.

   

As fontes

Fonte da Barreira (Bouzadrago)

Galicia sempre foi terra de auga, e así o mostran as moitas fontes espaiadas polas aldeas.
Entrimo tamén é terra rica en fontes ainda que algunhas delas hoxe en día encóntranse en estado de abandono.

Fonte da Quintan (Terrachán)

Antigamente as fontes, en uso por tódolos veciños abastecían á poboación e ó gando de auga.

Coa traída de augas e o abandono dos traballos do campo moitas delas pasaron a desuso. 
Ademais hai que pensar que algunhas nen sequera estaban situadas á beira dun camiño ou en lugares onde poidesen cumprir unha función decorativa. Estas eran fontes situadas o lado de carreiros ou entre campos, que tiñan a función de refrescar a xente cando andaba a traballar nas leiras, por exemplo a fonte de Esculeiro en Ferreiros ou a de Quingosto en Bouzadrago. Co abandono da labranza tamén se abandonaron estas fontes.

Fonte en Galez

Outras sitúanse en sitios mais accesibles, preto das casas e dos camiños, a elas acudía a xente a procura de auga. As mais rechamantes son as fontes dun cano que normalmente verten a auga nun bebedoiro para servicio do gando, e deste bebedoiro pasa ó pozo de lavar a roupa.

Cando eu era pequena acórdome de ir buscar no vrao auga fresca en Ferreiros a fonte do Pozo e a dos Birmons, hoxe en día nengunha delas bota auga, e cando secaban estas duas ibamos a do Cortello que por sorte ainda perdura.



Fonte do Cortello (Ferreiros)



Decorar con flores secas

Xa que Entrimo está rodeado de natureza, hoxe vouvos ensinar como decorar con flores secas.



1.Pomos as flores a secar boca a baixo nun lugar escuro durante dous meses 

2. No fondo dun floreiro pomos area e algunhas pedras
       



3. Espetamos as flores e se queremos botámoslles por encima unha pouca de laca do pelo. 
                                             
E aquí está, ¡mirade que marabilla de ramo decorativo!